A cooperativa Horsal busca incorporar para a súa planta hortícola de Cambados (Pontevedra) RESPONSABLE DE PRODUCIÓN/MANTEMENTO. As funcións do posto son as seguintes:
-Dirixir o traballo de produción, asegurando que diariamente os pedidos saian en tempo en forma, e buscando a maior eficiencia dos procesos.
-Asegurar, en coordinación coa Reponsable de Calidade da cooperativa, o cumprimento de todos os procedementos do noso sistema de calidade.
-Comunicación cos cooperativistas no relativo ás cuestións de calidade do produto que eles entregan na cooperativa (mermas excesivas, problemas de calidade,...).
-Asegurar a correcta posta a punto dos distintos equipos das liñas de produción, encargándose directamente das operacións básicas de mantemento e coordinando cos SAT das provedoras de maquinaria as operacións máis complexas (6 liñas de produción).
-Mantemento do stock de material auxiliar (de envasado), evitando roturas de stock, e sen acumular sobre-stocks innecesarios.
Valorarase:
-Experiencia no sector alimentario.
-Experiencia en dirección de equipos.
-Coñecementos en electromecánica.