En TICGAL seguimos a medrar e queremos sumar novas persoas ao noso equipo para continuar ofrecendo un servizo único no mundo… e con os pés ben postos na terra (aínda que a cabeza estea ás veces entre liñas de código).
QUE BUSCAMOS
Unha persoa con experiencia en desenvolvemento web, con coñecementos sólidos en PHP e interese por traballar sobre GLPI, o software ITSM Open Source máis estendido do mundo.
O teu traballo principal consistirá na creación de plugins e integracións entre GLPI e outras ferramentas do mercado, para que todo fale con todo (e funcione, evidente).
Requisitos mínimos
Formación técnica (Ciclo Superior, FP ou equivalente).
Experiencia demostrable en desenvolvemento con PHP, SQL (MariaDB), JavaScript, CSS, REST API e AJAX.
Bo manexo de GIT para control de versións.
Familiaridade con entornos GNU/Linux.
Capacidade de análise, resolución de problemas e traballo en equipo.
Residencia en Pontevedra ou arredores.
Valorarase moi positivamente
Experiencia previa con GLPI e desenvolvemento de plugins ou integracións.
Coñecementos de Symfony e o seu motor de plantillas TWIG.
Experiencia con DBiterator, Vue.js, LEMP Stack, Docker ou CI/CD (especialmente GitHub Actions).
Coñecementos de metodoloxías áxiles, como Scrum (ou cando menos que non che dea medo a palabra daily).
Participación en proxectos de código aberto.
QUE OFRECEMOS
Contrato fijo.
Participación en proxectos innovadores e internacionais arredor de GLPI.
Horario flexible, venres pola tarde libre e xornada continua no verán (do 15 de xuño ao 15 de setembro).
Ambiente participativo, con café, cacao, infusións e algunha discusión animada… pero sempre con bo humor.
Bo ambiente de traballo, con excursións ocasionais e espírito de equipo.
ENCÁIXACHE?
Se cres que podes achegar o teu talento e experiencia á equipa TICGAL, queremos coñecerte.