Sistemen administrazioko arduraduna
Elhuyarrek sistemen administrazioko arduradun bat behar du bere lantaldea osatzeko. Elhuyarren azpiegitura teknikoa kudeatzeaz eta erakundearen jarduerarako behar den lidergo informatikoaz arduratuko den pertsona baten bila gabiltza.
Funtzio nagusiak:
·Azpiegitura-saila kudeatzea eta antolatzea.
·Ikuspegi estrategiko batetik, eta segurtasuna bermatuta, Elhuyarreko azpiegitura informatikoa eta orokorra antolatzea eta kudeatzea.
·Erakundeko digitalizazio-prozesuen diseinua eta gidaritza.
·Erakundeko baliabide informatiko eta teknikoen kudeaketa.
·Erakundearen behar informatikoak identifikatu eta irtenbideak ezartzea.
·Eraldaketa digitalerako plana ezartzearen arduraduna izatea.
·Segurtasunerako ziurtagirien kudeaketa.
·Arloaren etengabeko hobekuntza sustatzea.
Zer eskaintzen da:
·Erronka teknologiko handiko erakunde batean berrikuntza- eta hobekuntza-proiektu garrantzitsuetan parte hartzea.
·Diziplina ugariko lantalde euskaldun eta dinamiko batean aritzea.
·Lanaldi osoa eta kontratu mugagabea.
·Lan-ordutegi malgua, telelana eta presentziala konbinatuz.
·Erakundean ibilbide profesionala egiteko aukera.
·Etengabeko garapen profesionala.
Zer eskatzen da:
·Sistemen administrazioan goi-mailako ezagutza izatea (Informatika-ingeniaritzako gradua edo baliokidea izatea lehenetsiko da).
·Sistemen administrazioan esperientzia izatea (Windows, Linux, birtualizazioa).
·Hardwarearen ezagutza izatea: PCak, Mac-ak, sareak…
·Hodeiko azpiegiturei buruzko ezagutza izatea (Gcloud, AWS, OVHcloud).
·Zibersegurtasunaren inguruko ezagutza izatea.
·Euskara, gaztelania eta ingeles teknikoa jakitea.
·Pertsona irekia izatea, ekintzailea, komunikatzaile ona, taldean lan egiten dakiena eta laguntzeko prestasuna duena.
Baloratuko da:
·Kudeaketarako gaitasuna izatea.
·Sistemen administrazioarekin erlazionatutako masterra izatea.
Gure lantaldearen parte izan nahi baduzu, bidali zure CVa helbide honetara: pertsonak@elhuyar.eus. Gaian, jarri Sistemak.