Deseñador/a gráfico/a – Ilustrador/a
Descrición da oferta
En DISTEGA, empresa que xestiona diferentes marcas entre elas Nikis Galicia Style e La Fábrica de Nikis, ampliamos o departamento con un/unha deseñador/a gráfico/a cunha sólida base de ilustración: a túa misión principal será dar forma en imaxe á retranca galega da marca.
Serás a persoa responsable de crear ilustracións orixinais e levar o proceso completo, mantendo o estilo da marca. Buscamos alguén altamente creativo/a que coñeza ben a cultura galega e os seus códigos e sexa quen de convertelos en deseños frescos e actuais.
Ademais, apoiarás o día a día do equipo con pezas de deseño dixital (redes sociais, web, retoque de fotos de produto, etc.), empregarás ferramentas de IA como apoio ao proceso creativo, sempre con criterio propio, polo que se precisa soltura e coñocemento destas.
Funcións principais
Crear ilustracións orixinais
Levar o proceso completo: desde a ocorrencia inicial até a peza final lista para produto.
Propoñer ideas e deseños frescos sen depender de briefings moi pechados.
Coidar e fortalecer o estilo visual da marca.
Apoiar o equipo no deseño dixital para redes e web (publicacións, historias, banners, cabeceiras, boletíns…).
Facerse cargo de tarefas sinxelas de edición de vídeo e retoque fotográfico para imaxes de produto.
Requisitos
Sólida base de ilustración, acreditable cun portfolio (personaxes, escenas, expresións, humor gráfico…).
Estudos en deseño gráfico/ilustración ou experiencia equivalente.
Manexo avanzado de Adobe Illustrator, Photoshop e InDesign (ecosistema Adobe).
Experiencia en ilustración aplicada a produto, en especial ao téxtil.
Coñecemento fondo da retranca galega e dos códigos culturais locais.
Capacidade creativa para xerar ideas propias e propoñer enfoques novos.
Traballo autónomo e boa organización persoal.
Coñecementos de deseño dixital para redes sociais e marketing.
Edición e retoque fotográficos de produto a nivel cualificado básico.
Portfolio actualizado que amose o teu estilo e calidade.
Valorarase
Experiencia ilustrando para serigrafía téxtil (limitacións de tintas, tramas e contraste).
Soltura co uso de ferramentas de IA como apoio creativo.
Bo nivel de galego, sobre todo na comprensión e, se é posíbel, tamén na expresión escrita.
Coñecementos adicionais noutros ámbitos creativos (animación básica, motion graphics, maquetación sinxela…).